Ei lagun! 

Euskarak ere goxo egon nahi du etxean.

Begira, begira zenbat gauza ikusteko, ikasteko eta jolasteko!

Zorionak! LIZEOKO IKASLE GUZTIEK GAINDITU DUTE SELEKTIBITATEA!

2014/06/12

Gaur, hilak 12, jakin dira iragan astean egindako selektibitate edo hautaprobetako emaitzak, eta pozez zoratzen gaude Lizeoan. Izan ere, joan den asteko deialdira aurkezturiko guztiek gainditu baitute selektibitatea. Lizeoko 30 ikaslek egin zuten proba, eta guztiek gainditu dute; eta oro har, nota onarekin, gainera. To marka!
 
PREST festaren bideo ikusgarria

2014/06/09

Pasaian euskaraz bizitzeko nahia duen jendea edota euskaraz bizitzeko bide horretan ahalegina egiten ari den jendea biltzeko ekitaldia prestatu genuen maiatzaren 25erako:
Donibaneko Prest euskara taldeak, Kuadrillategik, Pasaiako Irrien Lagunak-ek, Ikastetxeek, Euskaltegiek, Merkatariek eta Udalak.
(...) 2012ko bilera orokorrean, guk sentitzen genuen indar hori biderkatu eta herritarrei transmititu behar geniela erabaki genuen.
Hori zen, hain zuzen ere, maiatzaren 25erako prestatu genuen ekitaldiaren xedea: bideoa ikusita lortu ere lortu genuela uste dugu! Eta zuk?

Antxoko sukaldaritza tailerraren bideoa

2014/06/09

Pasaiako Irrien Lagunek primeran pasa genuen maiatzaren 18an egindako saioan.
Goizeko 11:00etan Antxoko ikastolan izan zen hitzordua. Lehenik eta behin proiektuaren aurkezkena egin genuen eta ondoren, sulkaldean aritzeko aukera izan genuen Carlos Torrecillaren laguntzaz.
Horren guztiaren berri ematen dugu bideo honetan. Gozatu bideoarekin eta animatuz gero, ekin sukaldaritzari!

Lizeo Eguneko bideoa (guraso baten ekarpena)

2014/06/03

Joan den apirilean izan zen, bai. Baina gure oroimenetan oso presente dugu oraindik aurtengo Lizeo Eguna, irudi ikusgarriak bezain hunkigarriak iltzatuta geratu zitzaizkigulako. Bada, irudi eta une polit haiek berriro bizitzeko aukera dugu orain, Lizeoko guraso batek egindako bideo honi esker.

UDABERRI FESTAKO SASKIA, NURIA ETXEBARRIARENTZAT

2014/06/03

Joan den maiatzaren 17an ospatu zen, arrakasta handiz, Antxoko Txabol Soto Taldeak antolaturiko Udaberri Festa. Eta jaiaren baitan antolaturiko zozketan, hain justu, 546 zenbakia izan da saritua.

Argazkian ageri da zenbaki sarituaren jabea, Nuria Etxebarria, poz-pozik eskuratutako saskiarekin.

Zorionak Nuria, eta milesker zozketan parte harturiko guztioi! 

Eskola Trukea 2014: bideo bilduma

2014/06/02

Dakizuen bezala, Roermond hiriko Bisschoppelijk College Broekhin institutuarekin lotzen gaituen Eskola Trukea egitasmoaren 10. aldia burutu dugu ikasturte honetan. Eta harro, baina harrokeriarik gabe, urtemuga biribil horrek asko pozten gaituela esan dezakegu.

Egutegia 2014-15

2014/06/02

Hona hurrengo ikasturteko 2-18 urte bitarteko ikasleen egutegia.

DBH 4KO PLASTIKAKO IKASLEEN TXANGOA DONOSTIAN ZEHAR

2014/05/20

DBH 4ko Plastikako ikasleek Donostiaren alde historiko-artistikoa ezagutu zuten maiatzaren 16an, egun hartan hirian zehar egindako txangoari esker. 

UDABERRI FESTA ARRAKASTATSUA ANTXON

2014/05/20

Larunbatean, maiatzaren 16an, primerako giroa egon zen Pasai Antxon, Lizeoko Txabol Sotoa taldeak antolaturiko Udaberri Festari esker. Primerako eguraldia lagun, haurrek nahiz helduek egitarau zabalaz gozatu ahal izan zuten: puzgarriak, bazkaria, altxorraren bila jolasa, txokolate-jatea,  dantzaldia… Arrakastaren seinale, arratsaldeko altxorraren bila jolasean aritutakoen kopurua: 100dik gora lagunek parte hartu zuten, txikiek nahiz helduek, giro bikainean!

PREST! euskaraz bizitzeko mosaiko erraldoia osatzeko ekitaldia

2014/05/14

Pasaian euskaraz bizitzeko nahia duen jendea edota euskaraz bizitzeko bide horretan ahalegina egiten ari den jendea biltzeko ekitaldia prestatu dugu hainbat eragilek datorren larunbaterako:  Donibaneko Prest euskara taldeak, Kuadrillategik, Pasaiako Irrien Lagunak-ek, Ikastetxeek, Euskaltegiek, Merkatariek eta Udalak.

Orriak

-era harpidetu