IGANDEAN TXANGOA JAIZKIBELGO ITSASLABARRAREN BARRENA

2014/03/24

Hemen gara berriro Lizeoko Mendi Batzordekook -Lezoarron txanda- txango interesgarri honekin. Jaizkibelgo itsaslabarrean zehar.

Oraingoan hitzordua Guadalupeko aparkalekuan egingo dugu, goizeko 10:00etan.

Bertatik itsasertzera jaitsita Jaizkibelgo itsaslabarraren zati zoragarriaz gozatu ahal izango dugu.

Bizpahiru orduko txangoa izango da, hamaiketakoa barne.

Hamaiketakoa norberaren kontura izango da, baina norberarena denon artean konpartituz gero, etxe guztietako sukaldea dastatzeko aukera izan dezakegu.

MUSIKA SAIO EDERRA LIBURUTEGIAN (BIDEO)

2014/03/20

Haize eta Soka taldeak -Iban Gurrutxagak eta Jabi Perezek- Jazzaren Historian barrena izeneko ibilbide musikala eskaini zieten Lehen Hezkuntzako 4. mailako ikasleei. Martxoaren 13an izan zen emanaldia, Lizeoko eraikin nagusiko liburutegian. Saio intimista, goxoa, eta ederra!

LEZO-DONIBANE BIDEGORRI FESTA martxoaren 23an

2014/03/20

Duela urtebete, Donibaneko Bonantza Auzo Elkarteak abian jarri zuen LEZO-DONIBANE ESPALOIA proiektua. Egun, bagara Lezoko eta Pasai Donibaneko 34 elkarte herri ekimen hau bultzatzen ditugunak. Honen ibilbidean datorren martxoaren 23an, aukera paregabea izango dugu denontzat onuragarria den proiektua hau bultzatzeko, BIDEGORRI FESTAn parte hartuz.
 
LEZON IKURRIÑA EGUNA martxoaren 22an

2014/03/20

Familia agurgarria:

GEUREA IKURRIÑA, HERRI EKIMENA-ren ibilbideak mugarri alaitsua izango du, martxoaren 22an, LEZON IKURRIÑA EGUNA ospakizunarekin.
Ibilbidea diogunean gogoratuko dugu otsailaren 23an eta 28an eta martxoaren 14an egin diren sinadura bilketa eta ikurriña banaketa, gonbidapena luzatuz herritar orok ikurrina etxeko balkoietan jartzera.

AMETS ARZALLUSEN BISITA JASO DUGU LIZEOAN

2014/03/10

Martxoaren 7a egun polita izan da gure ikastolan, Amets Arzallus bertsolari ezagunaren bisita jaso baitugu Lizeoko eraikin nagusian. Euskara eta euskal kulturaren garapenean eragile izatea da Lizeoaren Plan Estrategikoaren bost ardatzetako bat, eta, hain justu, zeregin horren baitan kokatu behar da Euskal Herriko bertsolari txapeldunaren bisita.

TRAPUJALE SARIA JASO DU LIZEOAK

2014/03/10

Lezoko inauterien baitan, Trapujale Saria jaso dute aurten Pasaia-Lezo Lizeoak eta Lezoko Herri Eskolak; herriko ikastetxeek, alegia.

Inauterietako ostegunean -Ostegunzuri delakoan- izan zen oroigarri banaketa. Trapujale, ohi bezala,  Martizkone baserritik iritsi zen Lezoko Gurutze Santuaren plazara, eta haren zain zeuden ehunka herritarrak agurtu zituen. Ondoren, Ainhoa Zabalo alkateak Trapujale oroigarri bana eman zien gure ikastolako nahiz Lezoko Herri Eskolako ordezkariei.

Inauteriak Lezon (bideo)

2014/03/10

Lezoko eraikinean egindako Inauterietako dantza emanaldiak. Haur Hezkuntzako eta baita Lehen Hezkuntzako lehenengo zikloko ikasleen dantzak hain zuzen ere.

Hemen dira inauteriak eta Trapujale! (bideo)

2014/02/27

Trapujale taldea bere txontxongilo berriak aurkeztera etorri da Lezora. Haur Hezkuntzako eta Lehen Hezkuntzako Lehenengo zikloko ikasleek Trapujaleren ipuinaz gozatzeko aukera izan dute.

Geografiako ikasleek Donostiako hirigintza aztertu dute bertatik bertara

2014/02/26

Batxilergo 2ko Geografiako ikasleek Donostian zehar ibilbide interesgarria burutu zuten orain egun gutxi, haien irakasleek gidatuta. Hirigintza Geografia irakasgaian jorratzen den gaietako bat da eta, bereziki, ikasle bakoitzak bere hiriburuko hirigintza prozesua aztertu behar du. Asmo horri jarraituz, hiriaren zabalgunea bertatik bertara ikusteko aukera paregabea izan zuten gure ikasleek; eguraldi ona, harrigarri bada ere, lagun izan zutela.

Eskola Trukea Oarsoaldeko Hitzan

2014/02/25

 http://oarsobidasoa.hitza.info/2014/02/21/herbehereetako-ikasleak-pasaia...

Orriak

-era harpidetu