Geografiako ikasleek Donostiako hirigintza aztertu dute bertatik bertara

2014/02/26

Batxilergo 2ko Geografiako ikasleek Donostian zehar ibilbide interesgarria burutu zuten orain egun gutxi, haien irakasleek gidatuta. Hirigintza Geografia irakasgaian jorratzen den gaietako bat da eta, bereziki, ikasle bakoitzak bere hiriburuko hirigintza prozesua aztertu behar du. Asmo horri jarraituz, hiriaren zabalgunea bertatik bertara ikusteko aukera paregabea izan zuten gure ikasleek; eguraldi ona, harrigarri bada ere, lagun izan zutela.

Eskola Trukea Oarsoaldeko Hitzan

2014/02/25

 http://oarsobidasoa.hitza.info/2014/02/21/herbehereetako-ikasleak-pasaia...

Lehen gizakiak Lizeoan (bideo)

2014/02/25

Lehen Hezkuntzako 1go mailako ikasleak Lehen Gizakien inguruko antzerkiak egin dituzteko garaiko bizimodua antzeztuz.

LH2-KO ‘LIBURU ERRALDOIEN’ AURKEZPENAK (bideo)

2014/02/25

Lehen Hezkuntzako 2. mailako ikasleak gustura aritu dira Boga boga mariñela izeneko unitatearekin. Liburu erraldoi bat osatzea da, hain zuzen, unitatearen baitan egin beharreko proiektua. Hala, gaiari buruzko informazioa bildu, bale baten hezurrak ikusi eta ezagutu, liburuan zer eta nola jarri adostu… ikasleek gogotik egin behar izan dute lan, liburua denen artean osatuz eta, azkenik, liburua bera LH1-eko ikasleei aurkeztuz.

IKASLE HERBEHERETARRAK GURE ARTEAN

2014/02/21

Asteazkenaz geroztik, hilak 19, Herbehereetako ikasle talde bat dugu gurean. Lizeoko Batxilergoko lehenengo mailako ikasleen etxeetan hartu dute ostatu, eta astebete emango dute gurean, Lizeoak Roermond hiriko Bisschoppelijk College Broekhin institutoarekin elkarlanean antolaturiko eskola trukearen baitan.

Euskara da Euskal Herri (cup song) (bideo)

2014/02/06

Iñigo Aritza Ikastolan eta Txioka Haur Ikastolan (Altsasun, Urdiainen, Olaztin eta Ziordin) auzolanean grabatutako kanta.

Santa Ageda (bideo)

2014/02/06

Zorion, etxe hontako denoi! / Oles egitera gatoz, / aterik ate ohitura zaharra / aurten berritzeko asmoz. / Ez gaude oso aberats diruz, / ezta ere oinetakoz. / Baina eztarriz sano gabiltza, / ta kanta nahi degu gogoz.

Matrikulazioa zabalik

2014/02/03

Otsailaren 3tik 14ra bitartean izango da zabalik matrikulazio epea.

Hemen atxikituak dituzue deialdi ofiziala zein Lizeoak eman ditzakeen bi puntuei buruzko argipena.

Harremanetarako: 943526850

About myself (bideo)

2014/01/31

Horrela izena du Lehen Hezkuntzako 6.mailako ikasleek Ingelesa irakasgaian urtarrilean egindako proiektua. Munduan zehar aurki ditzakegun kultura eta bizimodu ezberdinak ditu ardatz; hala, ikasle bakoitzak norberari buruzko poster modukoa osatzen du, eta gero, gelakideen aurrean, norberaren aurkezpena egin. Emaitza oso erakargarria izan ohi da.
Aurkezpenak egin ondoren, poster hauek pasilloak janzten dituzte, denen atentzioa erakarriz.

‘AMERIKETARA JOAN NINTZEN’ KANTATUZ (bideoa)

2014/01/31

Lehen Hezkuntzako 4. mailako ikasleek Ameriketara joan nintzen gaia landu zuten Gabonen aurretik. Besteak beste, izen bereko kanta ezagunaren bertsoak ikasi zituzten, eta gelan abestu gero. Geletako batean, hain zuzen, Asierren txirularen doinuez gozatzeko aukera izan zuten, hark etxean amaren laguntzaz kanta gogor entseatu ondotik. Ikasleek primeran pasatu zuten!
Honatx emanaldi horren bideotxoa:

Orriak

-era harpidetu