Hamarnaka kontzertutan Madonnarekin aritutako Thierry Biscary LIzeoko liburutegian izan da Batxilergoko lehenengo mailako ikasleekin hizketan. Gaur egun bakarlari gisa ari dela kontatu die kantari baxenafarrak, hala ere, bere musika ibilbideari errepasoa egin dio, tartean, Kalakan taldeko kide zela, Madonnarekin egin zuen mundu mailako jira hura aipatu die ikasleei. Musika ikasketarik ez duela aitortu die ikasleei.

Aurten, berriz ere, KULUNKAN egitasmoa burutzeko asmoa dugu. Hastapenean Pasaiako Udalaren laguntzarekin sortu zen egitasmoaren helburu nagusia etxeetan, familietan, hizkuntza ohituretan euskararen alde eragitea da. Hala, bi urteko geletako gure txikiei, astero "etxerako lanak" bidaliko dizkiegu (esaldi bat eta eskulan bat) familian, euskaraz aritzeko aitzakia izan dezazuen, beti ere, familia bakoitzaren euskara maila kontutan hartuta. Ikusi bideo honetan elkarlanerako proposamena. 

Inauteria ospatu dugu eta ostiralean argazki pila bildu genituen. Hemen elkartu ditugu, ikusi nahi badituzue, aurrera:

- Haur Hezkuntza

- Lehen Hezkuntza

- Trastamintxo ipuin, olerki eta kartel lehiaketako sari-banaketa

- DBHkoen mozorro desfilea

Hauek izan dira

2023ko Trastamintxo Lehiaketako

finalista eta irabazleak

Zorionak bai zuei eta parte hartu duzuen guztioi!

SARI-BANAKETAKO ARGAZKIAK HEMEN

IPUINAK

LH3

FINALISTAK:

Gaur, ostiralori, 11:15ean dantzan ariko gara Lezoko Gurutze Santuaren plazan. Lehen Hezkuntzako lehenengo mailatik seigarren maila arteko ikasleek plaza beteko dute.  

Otsailaren 9an Eskubidean planeko saio bateratua egin genuen, Pasaiako gainontzeko ikastetxeekin, Trintxerpeko alkateordetzan. Eskubidean programan parte-hartzen duten Lehen Hezkuntzako eta DBHko gure ikasleen ordezkariak han izan ziren.

Saioaren lehenengo zatian, gure ordezkariek, Pasaia hobetzeko Lizeoan ikaskideekin batera adostutako proposamenak aurkeztu zituzten. Karmengo Amako eta Anunciatako ikasleek egindako proposamenak ezagutzeko aukera izan genuen, gainera.

Ikasturte honetan Ikastolen Elkarteko Zirimola aisialdi taldeak eta Euskal Wikilarien Elkarteak amankomunean aurrera daramaten proiektuan parte izango dira DBH1eko gure ikasleak. Hainbat ikastolekin elkarlanean, Txikipedia elikatzeko, 300 artikulu berri sortzea dute helburu. Baietz 300! izena du erronka honek. 

Sorpresa bikaina hartu dute LH 5. mailako ikasleek Hesian musika taldeko abeslari ohia eta ETBko aurkezle, Zuriñe Hidalgo, beren ikasgeletan sartu denean. Pasaiako Udaleko Euskara Sailak abiatu duen Musikariak ikastetxeetan programaren baitan abeslari eta aurkezlea gelaz-gela ibili da Lizeotik barna. Bina orduko saioak egin ditu gela bakoitzean eta bere esperientzia pertsonaletik kantari izateaz jardun da ikasleekin. Haien galdera eta kezkak ere gustura erantzun ditu abeslari nafarrak.