Pasaia Lezo Lizeoa

LHko ikasleek egunero eramango dute KORRIKAko lekukoa herri batetik bestera. Pasilloetan egun bakoitzean korrika nondik abiatuko den adierazten dituzten kartelak jarri dituzte eta egunero mugituko dute lekukoa KORRIKAk aurrrera egin bezala. Gaur Amurrion hartu dute lekukoa eta Arrigorriagaraino eraman dute. Segi euskaraz, jarraitu KORRIKA!

_{Nekane Artola Labordeta, Pasaia-Lezo Lizeoko Lehendakaria, ezkerrean}

2022/2023 Ikasturtean Batxillergoa Pasaia-Lezo Lizeoan egiteko asmoa dutenentzako matrikula zabalik dago, informazio behar baduzue FORMULARIO HAU bete eta zurekin harremanetan jarriko gara. Lizeoak, Zientzietako Batxillergoa eta Giza eta Gizarte Zientzietako Batxillergoa eskainiko ditu datorren ikasturtean. Gogoan izan matrikula epea apirilaren 9an bukatuko dela. 

KORRIKA iristear da eta gure ikastola ere girotzen ari da, horren erakusle Euskara Taldekoen ekimena. Apirilaren 9an, goizaldean, pasako da euskararen aldeko lasterketa Lezotik eta Pasaiatik eta Lizeoan bezperan ospatuko ditugu Korrika Txikiak eta baita Korrika Gaztea ere! Ikasle helduenak Korrika Gaztean ariko dira, Lizeotik abiatu eta Errenteria-Oreretara joango dira eta han eskualdeko beste ikastetxeekin elkartuko dira.

Treba-Gurasoak hitzaldi/solasaldi sortako hirugarrena eta azkena egingo dugu bihar, asteartea, Antxoko Kultur Etxean, 18:00etatik 19:30era. Nerea Mendizabalek gidatuko du euskaraz egingo den saio hau eta "Guraso-banaketa osasuntsu baten alde" izenburua izango du. Adin guztietako seme-alabak dituzten gurasoentzat zuzenduta dago. Gogoratu, izena emateko bete formularioa.

Apirilaren 1erako zazpi bertso afari antolatu ditu Ibarrako Uzturpe Ikastolak Kilometroak festa girotzen joateko, guztiak aldi berean. Bertso festetako bat Errenterian egingo da, Orereta Ikastolan bertan, Añabitarte baserrian, Amaia Agirre eta Haritz Mujika bertsolariekin. Sarrerak HEMEN erosi daitezke.