Pasaia Lezo Lizeoa

Zertan da Euskaraldia gure inguruan?

Hemen duzue Eskola Kirola egutegia 18-19

www.lizeoa.eus/bekak atalean duzue beka deialdiari buruzko informazio guztia.

Lerrootan duzue urteroko eguerditako ekintzetan izena emateko gonbita.

Aurten ere internet bidezko formulario bidez egingo dugu. Adin bakoitzeko umeentzako eskaintza hemen daude.

DBH 3ko ikasleek, ikasturteko azken hiruhilekoan, boluntariotzaren gaia jorratu zuten Ingelesean. Hala, Lizeoko komunitateko hainbat partaidek gure herri eta barrutietan musu truk egiten duten lana jaso zuten diapositibetan. Honatx lan horietako batzuk. 

Joan den hilaren 11n, Donibaneko liburutegi berrian izan ziren DBH 4ko ikasleak. Aretoa ezagutu eta bisitatzeaz gain, literatur saioa burutu zuten Oier Guillan idazle oreretarrarekin. Hainbat liburu aztertu zituzten, haien inguruan hausnartu, eta datorren ikasturteari begirako irakurgaiak hautatu. Irakurzaletasuna sustatzeko Pasaiako Udalak antolaturiko ekimena izan zen.

Datozen egunetan Euskaraldia prestatzeko bilera irekiak egingo dira Pasaiako lau barrutietan. Asteazken honetan, adibidez, Trintxerperen txanda izango da. Azkena, berriz, Donibanerena, hilaren 31n.

Honatx hitzorduen egunak, orduak eta lekuak:

-Trintxerpe: maiatzaren 23an, 18:30ean Alkateordetzan.

- San Pedro: maiatzaren 24an, 18:00etan, Udal Aretoan (Erti).

- Antxo: maiatzaren 29an, 19:00etan, Kultur Etxean.

- Donibane: maiatzaren 31n, 19:30ean, Kulturgunean.

Pasaia osorik bizitzeko kanpainaren baitan, gure barrutietako haurrek saio bereziez gozatzeko aukera izan dute eskola orduz kanpoko jardueretan. Izan ere, Pasaiako Udalak haur eta nerabeekin aritzen diren herriko elkarteen lan saioetara kirolari erreferente euskaldunen bisitak antolatu ditu hiruhileko honetan.