Pasaia Lezo Lizeoa

Eskola Kiroleko begiraleek saio berezia egin dute LH2ko ikasleekin. Hain justu, datorren ikasturtetik aurrera, Eskola Kirolean parte hatzeko aukera izango dute eta. Begiraleak hainbat jolas erakusten aritu dira eta ikasleek gustura hartu dute ekimena. 

Hemen saio horretako argazki batzuk

Eta hemen Eskola Kirolean izena emateko formularioa

Lezoko ikastolako bi, hiru, lau eta bost urteko umeek egin duten ur festako irudiak dituzue hemen ikusgai. Ikastolako jolas eremuan toallak lurrean jarri eta eguzkia hartzen hasi dute goiza, irakasleek ur mangera prestatzen zuten bitartean. Jarraian etorri da festa!

Ikusi hemen bildu ditugun argazkiak

Lezoko Plazeta futbol zelaian, ikastola ondoan, LH1eko LH2ko eta LH5eko ikasleak elkartu egin dira. Helburua: euskaraz jolastea. Euskaraz jolastu egitasmoaren baitan, LH5eko ikasleek hiru jolas berri prestatu dituzte lehen hezkuntzako lehenengo ziklokoei erakusteko: Txepetxarena, Postariarena eta Kantauri itsasoa soka-salto jolasa.

Egungo Pasaia-Lezo Lizeoko lehendakaria, Nekane Artola Labordeta, Ikastolen Elkarteko lehendakari berria izango da aurrerantzean, Koldo Tellitu Mejiak lehendakaritza utzi ondoren. 

Gure ikastolaren tamainak eta egora geografikoak dezente baldintzatzen ditu ikasleen ziklo aldaketak, horregatik, lan berezia egiten dugu ikasleek eraikin eta lagun berriak ezagutu ditzaten. Esaterako, herrietako ikastoletako bost urteko ikasleek Lezoko ikastola ezagutzeko saioak egin dituzte. Ikasle horiek datorren ikasturtean Lehen Hezkuntzako lehenengo mailara pasako dira, Lezoko ikastolan ariko dira, eta eraikin berria goitik behera ezagutzeko aukera izan dute zenbait bisitatan.

Eskola Kirola egitasmoaren denboraldia bukatu da, balorazio onarekin, gainera. LH3tik LH6ra arteko ikasleak kirola astean hirutan egiten eta kirol berriak ezagutzen aritu dira denboraldian zehar. Handienek, LH6koek, gainera, Eskola Kiroleko azkeneko denboraldia zutenez, domina bana jaso dute oroigarri gisa. Eskola Kiroleko begiraleek laster helaraziko dute datorren ikasturterako izen-emate orria etxe guztietara. Adi ibili!

Abestu du, trikitixa eta ukelelea jo ditu eta musika elektronikoarekin noraino iritsi daitekeen erakutsi die ikasleei. Hori guztia gutxi ez eta bizitzarako gakoak ematen aritu zaie Ines Osinaga Urizar musikaria, Lizeoko eraikin nagusiko liburutegian, DBH1eko ikasleei. Lau saio egin ditu, gela bakoitzeko bana eta interes handia piztu du ikasleen artean. Ekimen hau, Pasaiako Udalaren laguntzaz egin ahal izan dugu, Musikariak ikastetxeetan programari esker. 

Pasaiako Udalaren laguntzaz, euskaraz irakurzaletasuna sustatzeko programaren baitan, Mikel Santos Belatz berriz ere gure ikasleekin egon da Donibaneko Ubera liburutegian. DBH 3ko ikasleak Lucio Urtubia anarkista nafarraren biografia irakurtzen aritu dira, Belatzek ilustratutako Gerezi garaia komikia, hain zuzen ere.