Pasaia Lezo Lizeoa

KULUNKAN egitasmoa bosgarren urtez heldu da Lizeora! Haur Hezkuntzako 2 urtekoen eta Lehen Hezkuntzako 3. mailakoen artean harreman polit bat hasiko dugu. Gainera, familietan hizkuntza ohituretan euskararen presentzia areagotzea da gure helburua.

Batxilergo

Datorren larunbatean Zinema Txikia egitasmoak eskainiko duen pelikula Lizeoko Lehen Hezkuntzako lehenengo mailako ikasleek aukeratakoa da. "Dragoiaren gidaria" filma 17:30etik aurrera proiektatuko da Antxoko Kultur Etxean. Zinema Txikiaren arduradunek Lezoko Ikastolara bisita egin zuten eta gure ikasleei euskarazko filmen katalogotik aukeratzeko eskaintza egin zieten. Larunbatean ikusteko aukera izango dugun pelikula, hain zuzen ere, bere garaian aukeratu zuten filmetako bat da.

Emakume Langilearen Nazioarteko Eguna denez geletan gaia lantzen aritu gara. Lehen Hezkuntzako 5. eta 6. mailakoek, esaterako, pasilloetara atera dituzte bere lan eta hausnarketak. Argazki hauetan ikusi ditzakezue. Bestetik, Antxoko Haur Hezkuntzako bost urtekoek mural bat egin dute gelan eta pasilloan jarri dute jarraian. Muralaren argazkia ere hor duzue ikusgai.

Gizarte parekide bat lortzea helburu dugunez, lan horretan gure aletxoa jartzen jarraituko dugu, egunero.

Martxoaren 4an, Lizeoko liburutegian, Batxilergo 1. mailako ikasleek Musikariak Ikastetxeetan programan parte hartzeko aukera izan dute.

Eguerdian [Martxoak 4] Lizeoko goiko pistan elkartu gara Ipar Euskal Herrian azterketak euskaraz egin ahal izatea aldarrikatzeko. Arratsaldean, berriz, Lezoko Ikastolako atarian bildu gara.

Jarraian gaurko ekimenaren irakurketa:

Gaur hemen bildu gara, gure ikastolan eta Euskal Herriko gainerako ikastoletan, Iparraldeko gure ikaskideei eta ikastolakide guztiei babesa agertzera, Brebeta eta Baxoa euskaraz egiteko eskubidearen alde aurrera eramaten ari diren aldarrikapenarekin bat egitera eta kontu hau guztiona dela ozen esatera.

Lizeoko Artezkaritza Kontseiluak bere egiten du Iparraldeko ikasleek azterketak euskaraz egiteko duten eskubidearen alde martxoaren 4ean, ostiralez, ikastola guztietan egingo diren elkarretaratzeetarako deialdia.

Lizeoan bi deialdi egin ditugu

12:35ean, Lizeoko eraikin nagusian

16:40ean, Lezoko ikastolako atarian

Guztion parte hartzea garrantzitsua da

Hemen Ikastolen Elkarteak publiko egin duen oharra

Saioa Muguruza: "DENOK DAUZKAGU ARGI-ILUNAK, BAITA ZIRIKUEK ERE" 

Lizeoko irakasle, Saioa Muguruza Sarasuak, primizian aurkeztu digu argitaratu berri duen ipuina: Hiku Miku Ziriku. LH3tik LH6ra arteko gure ikasleei Zirikuen sekretuak kontatzen aritu da liburutegian egindako saioetan. Alboan izan du Kepa Etxebarria Sagarzazu oreretar ilustratzailea. Hona zer kontatu diguten.