Pasaia Lezo Lizeoa

Emozioak identifikatzeak berebiziko garrantzia du umearen garapenean, horregatik, Lizeoko Orientazio Departamentuak indar berezia jartzen du lanketa horretan. Irudiotan hiru urteko gure ikasleak ikusiko dituzue. Gelan "kolorerako munstroa" ipuinaren kontaketa egin ondoren poztasuna eta tristura lantzen aritu gara. Sentimendu bakoitza kolore batekin identifikatu dugu: horia poztasuna eta urdina tristura. Ume bakoitzak bere munstroa margotu du sentitzen duena plazaratzeko eta, gainera, elkarrizketa politak sortu dira geletan. 

LIZEO ASTEko ekitaldietako bat izan da 1986ko promoziokoei omen egitea. Ostegunean etorri dira haietako batzuk Lizeoko goiko eraikinera. Liburutegian beraiek ikasle zireneko argazkiak ikusten aritu dira oroigarri bat jaso aurretik. Irakasleekin hizketan aritzeko aukera ez dute galdu eta haienak izandako gelak eta pasilloak ikusteko irrikaz egon dira. Ondoren eskaileran ohiko argazkia egin diegu luntxaz gozatu aurretik.

Mila esker bisitagatik!

Agurra egin diogu ikasturte honetan erretiroa hartuko duen Mertxe Ezeizari. Hasieran autobusetan aritutakoa eta azkeneko urtetan jangelan aritutakoa da Mertxe. Irudietan Edurne Urkiolak zuzendariak, Nekane Artola lehendakariak eta lankideek emandako opariak jasotzen ageri da Mertxe. Jon Alvarez irakasleak ere aurten hartuko du erretiroa. 

Mila esker biei!

Egun handia izaten ari da gaur Lizeoko komunitatearentzako. Herrietako ikastoletan festa giroan dabiltza txikienak. Goiko eraikinekoek, berriz, bisita jaso dute. LH1eko eta LH 2ko ikasleak Lizeora igo dira, lehenengoak ikusle gisa, eta bigarrenak beren ikuskizunaren partea erakustera. Aurten dantzan egitea egokitu ez zaien ikasle guztiek, gainera, Gotzon Pozak sortu dituen bost koreografiak ikusteko aukera izan dute, bakoitza Lizeoko txoko desberdin batean. Guztia ongi atera zedin DBH 4ko ikasleak antolakuntza lanetan aritu dira, ostegunez familiekin egin zuten moduan.

DBH. Momentu beltza. Hemen irudi galeria.

LH 2. Kutsadura. Hemen irudi galeria.

LH 4. Guda. Hemen irudia galeria.

LH 6. Itxaropena. Hemen irudi galeria.

Haur Hezkuntza. Etorkizuna. Hemen irudi galeria.

DBHko ikasleek "momentu iluna" irudikatu dute aurtengo Lizeo Asteko dantzan eta Asgarth taldearen "heriotzaren aurpegia" abestia erabili dute horretarako. Eskertza-bideo hau helarazi digute Asgarth-ekoek, tartean da Axi Enbil, Lizeoko gurasoa. Mila esker zuei!

Lizeo Asteko egitarauaren barne Patata Tropikala antzerki konpainiako lagunak gure Haur Hezkuntzako ikastoletako haurrekin izan dira astean zehar. Antxoko, Donibaneko, Lezoko eta Trintxerpeko eta San Pedroko ikastoletan emanaldi bana egin dute. Hemen Trintxerpe eta San Pedroko ikastolako emanaldiko irudi batzuk.

Lizeo Asteko dantza eskaini diete LH2ko ikasleek guraso eta familiei Lezoko ikastolako patioan. Kutsadura izan da Lizeo Asteko koreografian haiei egokitu zaien gaia eta Hesian taldeko "iluntasuna naiz" abestia erabili dute horretarako. Argazki bilduma bat sortu dugu bertan jasotakoa erakutsi nahian. Ikusi hemen.