Pasaia Lezo Lizeoa

LH1koek Olinpiar Jokoak ospatu dituzte Lezoko ikastolako patioan, antzinako greziarren antzera, erramu hostoekin egindako koroa eta guzti. Ikusi hemen zenbait argazki.

LH 5 mailako ikasleak EKI proiektuko Ingurunea arloan, materiaz inguratuta gaudela eta materia horren egoera ezberdinak zein diren aztertzen aritu dira. Horren harira, DBHkoen laborategira joateko aukera izan dute eta bertan ura berotzean tenperaturarekin zer gertatzen den ikertzen jardun dute. Hasieran ikasleek bere usteak formulatu ondoren, hipotesien baliozkotasuna frogatuz amaitu dute saioa. Saio berezi honetan DBHko irakasle Mikel Gil izan dute laguntzaile.

"Inguruneko Firin faran airea dantzan" gaiarekin amaitzeko LH3 mailak Donostiara irteera egin du Jorge Oteizaren eta Eduardo Chillidaren lanak gertutik ezagutzeko.

Apuntatu data hauek zuen agendetan! Pasaian Euskaraldia antolatzeko lehen bileren datak dira. Lizeoko komunitateko kide zareten guztiak euskararen aldeko ariketa garrantzitsu honekin bat egitera gonbidatu nahi zaituztegu.

Maiatzak 16, astelehena. San Pedro, ikastolan. 18:00

Apirilean zehar bete ditugu ikastolako komunitateetan Bihar prozesuaren baitan, Endekalogoak jasotzen dituen oinarrien inguruko galdetegiak.

Galdetegiak eginda eta emaitzak jasota, hurrengo urratsa komunitateko kideen artean HAUSNARKETA SAIOAK egitea da. Lizeoan bi egingo ditugu, biak datorren astean

ASTEARTEAN, MAIATZAREN 17AN, 17:00-19:00 ERAIKIN NAGUSIKO LIBURUTEGIAN. Saio hau euskara hutsean egingo dugu.

Primeran pasa dugu 2022ko Lizeo Astean eta pozik gaude emaitzarekin. Astean zehar bildu ditugun irudiak batu ditugu. Gozatu!

Emozioak identifikatzeak berebiziko garrantzia du umearen garapenean, horregatik, Lizeoko Orientazio Departamentuak indar berezia jartzen du lanketa horretan. Irudiotan hiru urteko gure ikasleak ikusiko dituzue. Gelan "kolorerako munstroa" ipuinaren kontaketa egin ondoren poztasuna eta tristura lantzen aritu gara. Sentimendu bakoitza kolore batekin identifikatu dugu: horia poztasuna eta urdina tristura. Ume bakoitzak bere munstroa margotu du sentitzen duena plazaratzeko eta, gainera, elkarrizketa politak sortu dira geletan. 

LIZEO ASTEko ekitaldietako bat izan da 1986ko promoziokoei omen egitea. Ostegunean etorri dira haietako batzuk Lizeoko goiko eraikinera. Liburutegian beraiek ikasle zireneko argazkiak ikusten aritu dira oroigarri bat jaso aurretik. Irakasleekin hizketan aritzeko aukera ez dute galdu eta haienak izandako gelak eta pasilloak ikusteko irrikaz egon dira. Ondoren eskaileran ohiko argazkia egin diegu luntxaz gozatu aurretik.

Mila esker bisitagatik!