Pasaia Lezo Lizeoa

Pasaiako Udalak sustatuta, egunotan, Lahia elkarteko Maria, Irune eta Izar Lizeoan dabiltza. Lehen hezkuntzako seigarren mailako ikasleei bina orduko lau formakuntza saio ari dira eskaintzen, sexualitateari buruz. Lahiako hezitzaileak, besteak beste, sexualitatea, hezkidetza eta indarkeria matxistaren prebentzioa ari dira lantzen gure ikasleekin.

KULUNKAN
Hizkuntza ohituretan eragiteko egitasmo honekin buru-belarri gabiltza. Aste honetan lehen hezkuntzako laugarren mailako ikasleak herrietako ikastoletara gerturatu dira (Donibane, Lezo, Antxo eta San Pedro) hiru urteko umeekin jolasean aritzera. Bisita hauen helburua da txikienek bere ohiko jolas lekuetan dabiltzanean euskaraz ariko diren erreferentziazko lagunak ezagutzea.

Eguerdietako ekintza gisa bertsolaritza aukeratu duten sei ikaslek bere lehen plaza egin berri dute Oiartzunen, Ander Lizarraldek lagunduta. Gelatik plazara sariketako lehen kanporaketan parte hartu dute eta saio ederra burutu dute. 

DBHko bigarren zikloko eta batxilergoko ikasle euskaltzaleek sari ederra jaso dute: Ibil bedi musika talde nafarreko kide Ibai Osinagarekin hizketan aritzeko aukera izan dute. Gainera, saioa bukatuta Iruna joan dira Korrikaren hasieraz gozatzera. Plan ederra bigarren hiruhilekoaren sari gisa!

Eskubidean programan parte hartzen duten gure ikasle ordezkariak Pasaiako Udaleko alkatearekin, zinegotziekin eta teknikariekin, eta baita herriko beste bi ikastetxeetako ordezkariekin bildu dira Juanba Berasategi aretoan. Saio bateratu hau ikasleek ikasturtean zehar Pasaia hobetzeko landu dituzten proposamenak aurkezteko baliatu dute. Gainera, Karmengo Amako eta La Anunciatako ikasleen proposamenak ezagutzeko aukera izan dute.

DBHko laugarren mailako eta Batxilergoko lehenengo mailako ikasleek Bizkarsoro filma ikusteko aukera izan dute Bokalek, Pasaiako euskararen aholku batzordeak, antolatuta. Ipar Euskal Herrian euskarak jasandako zapalkuntza jasotzen duen filma ikusi ondoren, Katti Pochelu, filmaren ekoizleetako batekin tertulian aritzeko aukera izan dute. 

Gipuzkoako Foru Aldundiak eskainita, Kultura Eskola ekimenari esker, Fernando Morillo Grande idazlearekin saio interesgarri bat egin dute DBH3ko ikasleek.  "Nola egin aurre beldurrari? Misterioa (eta euskara) lagun" da hitzaldiaren izenburua. Morilloren esanetan, "hainbat urtez makina bat irakaslek azaldutako kezka izan da beldurra. Beldurra ikastetxean. Eskolan, zoritxarrez, beldur-egoera ugari izaten dira, pertsonalak edota sozialak.

Ostiralez, martxoak 8, ospatu zen Emakume Langilearen Nazioarteko Eguna. Lizeoan, gelaz gela, eta maila desberdinetan, gaia lantzen aritu ginen.

 Eguneko zenbait irudi jaso ditugu, ikusi hemen: