Pasaia Lezo Lizeoa

Bost urteko geletakoek ELMER elefantearen ipuina irakurri eta landu dute azkeneko hilabetean. Denak desberdinak garela ikasi dugu ipuinaz baliatuz. Helburua norberaren identitatea eta irudi positiboa lantzea izan dira, norberaren eta besteen ezaugarriak onartzea eta errespetatzea. Ipuina irakurri ondoren ikasle bakoitzak bere ELMER elefantea margotu du eta mural ederrak sortu ditugu Antxoko, San Pedroko, Donibaneko eta Lezoko pasilloetan. Marrazkietan, bakoitzaren ELMER desberdina eta bakarra dela garbi ikusi dugu.

Gipuzkoako ikastolen festa ospatu berri, datorren astebururako Nafarroako ikastolen festa ate joka dugu. Etxarri Aranatzen izango da aurten Nafarroa Oinez, Hotsein! lelopean. Edizio honetan larunbaterako ere programazioa atondu dute Andra Mari ikastolako lagunek. 

Lizeoko autobusa igandean aterako da Etxarriruntz eta izena eman nahi duenak osteguna aurretik egin beharko du. Hemen azalpen gehiago.

LH 3. mailako eta LH 4. mailako ikasleak Donostiako Zinemaldian izan dira. Anoetako belodromoan pantaila erraldoia batean "Abentura historiaurrean" pelikula ikusten aritu ginen eta goiz ederra pasa genuen. Pelikula asko gustatu zitzaigun eta barre batzuk egin genituen.

Goiener energia berriztagarrien sorkuntza eta kontsumo kooperatibak Lizeoko teilatuan jarrita dituen eguzki plakek lanean jarraitu dute ikastola udako oporrengatik itxita egon den tarte horretan. Bildu ditugun datuen arabera, eta eguraldia eguzkitsua izan ez den arren, eguzki plakek uztailean eta abuztuan 25.000 kWh pasa jaso dituzte. Zehazki, uztailean 13.561,7 kWh eta abuztuan 11.821,3  kWh.

Bi hilabete horietan, beraz, denbora epe berean 84 etxebizitza* hornitzeko adina argindar sortu da gure teilatutik.

LH 4. mailako ikasleek bertso saio ederraz gozatu dute Lizeoan. Iker Ormazabal “Tturko” hernaniarra eta azkeneko Euskal Herriko bertsolaritza txapelketako finaleko zortzikotean aritu zen Beñat Gaztelumendi añorgatarra liburutegian aritu zaizkie bertsotan.

Urtero bezala, aurtengoan ere, Pasaia Lezo Lizeoak Kilometrotan ospatzen den Erronkan parte hartu du. Erriola lemapean, Errenteria-Oreretan ospatu dira oraingoan. Egunari hasiera emateko, ikastola bakoitzak Erriola abestiaren zati baten dantza egin behar izan zuen taldea aurkezteko.
Beroketa eginda, gunez gune ibili ziren ikasleak, mota guztietako probak egiten. Erreka gaineko tirolinak, adimen probak, trebetasuna, sukaldaritza eta inklusibitatea bere gain hartzen zituen kirol egokituko frogak.

Igandean ospatuko da KILOMETROAK Errenteria-Oreretan. 

Animatu eta parte-hartu!

Egitaraua HEMEN ikus dezakezue.

Erriola!

Lizeoan ikasturteko lehenengo eguna berezia izaten da Lehen Hezkuntzako laugarren mailako ikasleentzako. Tradizioa bihurtu zaigu jada. Udako oporretan Lizeoko zelaietako fruta-zuhaitzek emandako uzta jasotzen aritzen dira ikasleak, gero marmelada egiteko. Jasotako sagarrekin eta muxikekin marmelada egin aritu dira jangelan eta baita etxera eraman ere. Gaztainak biltzen ere aritu dira. Ikusi argazki hauetan egin duten lanaren lagin txiki bat.