Euskararen Eguna

2016/12/05

Egunero gauzatzen dugun erabakia berresteko egunak izan dira aurrekoak: munduaren ortzadar kulturalari gure kolorea ematen jarraitzeko hautua berretsi eta ospatu dugu Euskararen Nazioarteko egunaren bueltan.

http://www.lizeoa.eus/euskarareneguna2016

 

Neguko Katalogoa

2016/11/25

LH 4. maila arteko seme-alabak dauzkazuenok ikastolen neguko katalogoa etxean jaso duzue. Jaso ez duzuenontzat hementxe daukazue.

Gabonetako kanpainaren baitan oparietarako eskariak egiteko aukera aproposa da. 

IKASTOLA BIDEZ ESKAERA EGINEZ GERO %10eko DESKONTUA.

APROBETXATU AUKERA!!

Eskaera egiteko epemuga,  azaroaren 29a.

 

 

Euskarazko hitz politena: epea bukatzear

2016/11/24

Badator, badator abenduaren 3a, Euskararen Nazioarteko Eguna! Eta nahiz eta beti EUSKARAZ BIZI nahi izaten dugun, egun horren inguruan beti zer edo zer prestatzen dugu Lizeoan. Aurten, eta dakizuen bezala, familiartekoen argazki mosaiko erraldoia osatu nahi dugu berriro. Oraingoan, euskaraz gustukoen dugun hitzaren inguruan.

PILARTXO ANDEREÑOARI OMENALDIA, KANTUZ

2016/11/23

Bera eta bere ibilbidea ezagutu ditugunok badakigu Lizeo honen puska handi bat bere lanari esker egindakoa dela. Pilartxo Arratibelez ari gara, Pilartxo andereñoa gisa ezagunagoa denaz. San Pedroko ikastolako lehen andereñoa izan zen 1966 urtean (50 urte potolo pasa dira harrez gero), eta urteetan jarraitu zuen San Pedron, bai eta gero Lizeoan ere. Zenbat abestu dugun berarekin....

ANIMATU ETA PARTE HARTU ‘EUSKARAREN PAPARAZZIAK’ LEHIAKETAN!

2016/11/18

Oarsoaldeko Euskara Zerbitzuak Euskararen paparazziak argazki lehiaketa jarri du martxan. Euskara eta merkataritza lotzea da helburua, txartel, errotulu edota bestelakoak erretratatuz, eta abenduaren 3an bukatuko da parte hartzeko aukera, Euskararen Nazioarteko Egunean alegia.

Argazkiak –gehienez bost- 608 170 384 telefonora bidali behar dira, whatsapp bidez, datu pertsonalekin batera. Posta elektroniko bidez ere bidal daitezke –wetransfer erabilita, behar izanez gero-.

LIZEOKO 17 IKASLE PASAIAKO HARRERA PROTOKOLOAREN DISEINUAN PARTE HARTZEN ARI DIRA

2016/11/10

Pasaiako Udalak prozesu sakona abiatu zuen orain bi urte, helburu garrantzitsu bezain argi batekin: Pasaiara etorri berriak direnentzako harrera protokoloa zehaztea, pasaitarren eta gaiarekin harreman zuzena duten eragileen parte hartzearekin.

DBH-4KO IKASKETA BIDAIA FINANTZATZEKO HAMAIKETAKOAK

2016/11/10

Abian dira DBH-4ko ikasketa bidaia diruz laguntzeko hamaiketakoak. Iragan astean egin zen ikasturte honetako lehena, ohi bezala eraikin nagusiko azken solairuan, eta azkar batean saldu ziren DBH-4ko ikasleek beraiek etxetik ekarritako tortilla pintxoak eta opilak, edariarekin batera.

Hamaiketakoen salmenta iragan ikasturtean martxan jarritako ekimena da, eta hilero errepikatuko da, hilabeteko lehen ostegunetan beti ere. Baina urrian egin beharrekoa atzeratu zenez, azaroan bertan bigarren aldiz egingo da, hilaren 24an, hain justu.

ULIAN ZEHAR GEOGRAFIA IKASTEN

2016/10/28

Antiklinala, sinklinala, zokalo paleozoikoa, mendigune zaharra, hare-harria eta abarreko hitz aldrebesak hilabete luzez ikasi ondoren, geografia beste modu batera ezagutzeko garaia zela bururatu zitzaigun eta ostiralarekin, urriak 21, Pasai San Pedrotik Donostiara abiatu ziren Batxilergoko 2. mailako ikasleak, bi irakasleren laguntzarekin.

AZAROAK 1, BEÑAT ELZO III MENDI LASTERKETA

2016/10/26

EUNATEREKIN ELKARTASUNA

Badator Errigora!

2016/10/25

Berriro dator ERRIGORA ekimena. Auzolanean oinarritzen den ekimen honek bi helburu nagusi ditu:
Lehena, Nafarroako erriberako propio diren produktuak Euskal Herriko plazan jarri, eta horrela bertako nekazaritza indartu. Izan ere, merkatu globalizatuak konpetentzia baldintza gogorretara behartzen ditu bertako lehengaiekin lan egiten duten ekoizleak.
Bigarrena, “zona no vascofona” izendatuko euskalgintzari ekarpentxoa ere egin nahi dio.

Orriak

-era harpidetu